दमक// निती शाह अभिनित चलचित्र ‘खजुरे ब्रो’ मा धरानका मेयर हर्क साम्पाङले समेत छोटो अभिनय गर्नुभएको छ।

चलचित्रको शनिबार धरानमा छायांकन भएको थियो । जसमा मेयर साम्पाङले एक मिनेट लामो अतिथीको भुमिका निर्वाह गर्नुभएको छ ।

चलचित्रमा उनलाई मेयरकै भूमिकामा देख्न सकिन्छ ।  धरानको विजयपुरमा भैरहेको छायांकन सेटमै मेयर साम्पाङ पुग्नु भएको थियो ।

कमेडी फिल्मलाई ‘षडङ्ग’ फेम्ड सुरज सुनुवारले निर्देशन गरिरहनुभएको छ । धरानकै वास्तविक पात्रको कथावस्तुमा फिल्म बन्न लागेको हो ।

यो फिल्मबाट पूर्वमिस नेपाल इन्टरनेसनल निती शाहले पनि डेब्यु गर्नुभएको छ। नितीले छायांकन सेटबाट मेयर साम्पाङसँगका तस्वीर सेयर गर्नुभएको थियो ।